სტუდენტური პორტალი

თანხის დაბრუნების პოლიტიკა

სტუდენტური პორტალის საშუალებით განხორციელებული გადახდის დაბრუნება შესაძლებელია სტუდენტის მიერ ელექტრონული განცხადების წარდგენის საფუძველზე.

თანხის დაბრუნების მოთხოვნის გასაგზავნად სტუდენტმა გადახდის დეტალების გვერდზე უნდა აირჩიოს ღილაკი „თანხის დაბრუნების მოთხოვნა“ და შეავსოს შესაბამისი ელექტრონული განცხადება.

განცხადებაში სტუდენტმა უნდა მიუთითოს:

• სახელი და გვარი;
• პირადი ნომერი;
• სასწავლო პროგრამა;
• განხორციელებული გადახდის თარიღი და თანხა;
• თანხის დაბრუნების მოთხოვნის მიზეზი;
• საჭიროების შემთხვევაში, დამატებითი ინფორმაცია ან შესაბამისი დოკუმენტი.

თანხის დაბრუნება შესაძლებელია, მათ შორის, შემდეგ შემთხვევებში: თანხის შეცდომით ან ზედმეტად გადახდისას, ერთი და იმავე ვალდებულების განმეორებით დაფარვისას, სტუდენტის მიერ ისეთი თანხის გადახდისას, რომლის გადახდის ვალდებულებაც არ არსებობდა, ასევე აკადემიის შიდა წესებით, სტუდენტთან გაფორმებული ხელშეკრულებით ან მოქმედი კანონმდებლობით გათვალისწინებულ სხვა შემთხვევებში.

წარდგენილი განცხადება განიხილება ბათუმის სამედიცინო აკადემიის ადმინისტრაციის მიერ. თანხის დაბრუნების შესახებ გადაწყვეტილება მიიღება განცხადებაში წარმოდგენილი ინფორმაციისა და სტუდენტის ფინანსური ვალდებულებების გათვალისწინებით.

განცხადების დაკმაყოფილების შემთხვევაში თანხა დაბრუნდება არაუგვიანეს 10 სამუშაო დღის ვადაში. თანხის საბანკო ანგარიშზე ასახვის დრო შესაძლოა დამატებით დამოკიდებული იყოს მომსახურე ბანკის ან გადახდის სისტემის დამუშავების ვადებზე.

თანხა, როგორც წესი, დაბრუნდება იმავე გადახდის საშუალებით ან საბანკო ანგარიშზე, საიდანაც განხორციელდა შესაბამისი გადახდა, ტექნიკური შესაძლებლობის გათვალისწინებით.

თუ სტუდენტს აკადემიის მიმართ აქვს სხვა ფინანსური ვალდებულება ან მოთხოვნა საჭიროებს დამატებით განხილვას, აკადემია უფლებამოსილია მოითხოვოს დამატებითი ინფორმაცია ან დოკუმენტაცია.